İmişli rayonunda Araz çayında batan 11-ci sinif şagirdinin axtarışları üçün Araz çayında suyun səviyyəsi endirilib.

Günorta saatlarında Bəhrəmtəpə Hidroqovşağından Araz çayı yatağına buraxılan suyun səviyyəsi azaldılıb.

Qeyd edək ki, ötən gün axşam saatlarında baş verən hadisə zamanı T.Mirişli çaya düşüb və boğulub.

FHN-in mətbuat xidmətindən AZƏRTAC-a bildirilib ki, iyunun 7-də nazirliyin "112" qaynar telefon xəttinə Araz çayının İmişli rayonu, Rəsullu kəndi ərazisindən keçən hissəsində 1 nəfərin batması barədə məlumat daxil olub və dərhal dalğıc-axtarış qrupları tərəfindən axtarışlara başlanılıb.