Rusiyanın Ryazan vilayətində yerləşən "Elastik" zavodunun barıt sexində baş verən yanğın və partlayış nəticəsində ölənlərin sayı 23 nəfərə çatıb.

Rusiya KİV-inə istinadən xəbər verir ki, bu barədə Rusiya FHN-in mətbuat xidməti məlumat yayıb.

"Xilasedicilər dağıntılar altından daha iki nəfərin meyitini çıxarıblar. Bir yaralı xəstəxanada vəfat edib. Ölənlərin ümumi sayı 23 nəfərə çatıb", - məlumatda bildirilib.

Daha əvvəl hadisə ilə əlaqədar avqustun 18-də vilayətdə matəm elan edildiyi bildirilmişdi.