Ümumdünya Səhiyyə Təşkilatının (ÜST) İranın paytaxtında yerləşən ofisi şəhərə edilən hücumlar nəticəsində zərbələrə məruz qalıb, ofiain bütün pəncərələri sındırılıb, lakim əməkdaşlar xəsarət almayıb.

Bu barədə ÜST-nin baş direktoru Tedros Adhanom Qebreyesus məlumat verib. “Son iki gecədə ÜST-nin İranın paytaxtı Tehrandakı ofisinin ətrafına hücumlar olub, pəncərələri sındırıb. Xoşbəxtlikdən ÜST-nin İrandakı ofisinin bütün əməkdaşları təhlükəsizdirlər və heç kim xəsarət almayıb”, - o sosial şəbəkədə yazlb.

Qebreyesus, ÜST və BMT-nin digər agentliklərinin yerlərinin yaxşı məlum olduğunu nəzərə alaraq, bu cür hücumların “qəbuledilməz olduğunu və nəyin bahasına olursa-olsun qarşısı alınmalı” olduğunu vurğulayıb.