ABŞ Müdafiə Nazirliyi Boeing şirkətilə ABŞ Hərbi Dəniz Qüvvələri üçün F/A-XX altıncı nəsil qırıcı təyyarəsinin istehsalına dair müqavilə imzalayıb.

Müqavilənin dəyəri 20 milyard dollardan yuxarıdır Sənəd sınaq üçün "bir sıra prototip təyyarələrin istehsalını" nəzərdə tutur.

ABŞ rəsmiləri F/A-XX daşıyıcı əsaslı qırıcı təyyarənin yaxın illərdə F/A-18E Super Hornet və F/A-18F Super Hornet, eləcə də EA-18G Growler təyyarələrini əvəz edəcəyini gözləyir. Mütəxəssislər proqramın potensial dəyərini yüz milyardlarla dollara çata biləcəyini təxmin edirlər.

ABŞ müdafiə nazirinin müavini Maykl Daffi hesab edir ki, F/A-XX ABŞ ordusuna "həlledici döyüş üstünlüyü" verəcək. Northrop Grumman şirkəti də müqavilə uğrunda mübarizə aparıb.

Pentaqon 2025-ci ildə ABŞ Hərbi Hava Qüvvələrinə F-47 altıncı nəsil qırıcı təyyarəsinin istehsalı üçün də Boeing şirkətini seçib.