Şimali Atlantika Alyansı (NATO) Belarusa hücum edən kimi nüvə silahından istifadə olunacaq.

Bunu Belarus prezidenti Aleksandr Lukaşenko tələbələrlə görüşündə deyib.

"Belarusa hücum üçüncü dünya müharibəsidir. Putin bu yaxınlarda nüvə doktrinasına düzəlişlər edərək bunu təsdiqlədi ki, Rusiya və Belarusa hücum olarsa, biz nüvə silahından istifadə edəcəyik", - deyə o bildirib.

Qeyd edək ki, sentyabrın 25-də Rusiya prezidenti Vladimir Putin Rusiyanın nüvə silahından istifadə şərtlərini müəyyən etmək üçün bir sıra dəyişikliklərin edilməsini təklif edib.