Moldova hökuməti ölkənin MDB üzvlüyü ilə bağlı əsas müqavilələrin dayandırılması dəstəkləyib. Qərar təşkilatdan çıxma prosedurunun bir hissəsi kimi qəbul olunub.

Bu barədə “Qruziya online” məlumat yayıb.

Söhbət MDB-nin yaradılması haqqında sazişdən və ona əlavə edilmiş protokoldan gedir. Hər iki sənəd 1991-ci ilin dekabrında, Sovet İttifaqının dağılması ərəfəsində imzalanmışdı. Bundan əlavə, 1993-cü il yanvarın 22-də Minskdə qəbul olunmuş MDB Nizamnaməsinin də ləğvi nəzərdə tutulur.