"Seçkilərin nəticələri hələ yekun deyil, lakin vəziyyət aydın və başa düşüləndir".

Bunu Macarıstanın Baş naziri Viktor Orban xalqa müraciətində bildirib.

“Nəticə bizim üçün ağrılıdır, amma aydındır. İdarəetmə məsuliyyəti və imkanı bizə verilmədi. Qalibi təbrik etdim”, - Orban vurğulayıb.

Macarıstanda keçirilən parlament seçkilərində qalib gələn müxalif lider Peter Maqyar ölkənin siyasi səhnəsində son illərin ən sürətli yüksəliş edən fiqurlarından biri hesab olunur.

45 yaşlı siyasətçi hüquqşünas kimi fəaliyyətə başlayıb və uzun müddət hakimiyyət daxilində müxtəlif vəzifələrdə çalışıb.