Gürcüstanda əsasən azərbaycanlıların yaşadığı Qəmərli (Bolnisi) və Sarvan (Marneuli) rayonlarının arasındakı trasda bədbəxt hadisə baş verib. Belə ki, Bolnisi ərazisinə düşən Arıxlı kəndində iki yeniyetməni avtomobilin vurması nəticəsində iğtişaş baş verib.

15 yaşlı yeniyetmə hadisə yerindəcə dünyasını dəyişib. Digər yeniyetmə isə ağır vəziyyətdə xəstəxanaya çatdırılsa da, həkimlər onun həyatını xilas edə bilməyiblər. Qəzadan sonra yerli sakinlər və hadisə yerinə gələn polis arasında toqquşma baş verib. Sakinlər qəzanın səbəbkarı olan sürücünün dərhal cəzalandırılmasını tələb ediblər.