Ölkənin dağlıq və gözəl bölgələrindən biri olan Laçına qar yağıb.

Aprel ayının ortasında müşahidə olunan bu təbiət hadisəsi rayon sakinlərini və bölgəyə səfər edənləri təəccübləndirib. Səhər saatlarından etibarən yağan qar Laçının dağ və meşə örtüyünü ağ örpəyə bürüyüb, füsunkar mənzərələr yaradıb.

Hazırda Laçında hava soyuq və rütubətlidir.

Qeyd edək ki, Laçında bu cür gecikmiş qar hadisələri tez-tez müşahidə olunur. Rayonun iqlim şəraitinə uyğun olaraq, yüksək dağlıq ərazilərdə yaz fəslində də qar yağıntısı baş verə bilər.