Novruzun müjdəçisi olan Torpaq çərşənbəsi ölkəmizin hər yerində olduğu kimi Xankəndi şəhərində də böyük coşqu və bayram əhval-ruhiyyəsi ilə qeyd edilib.

Musiqili və əyləncəli proqramla müşayiət olunan tədbir iştirakçılarda xüsusi bayram ovqatı yaradıb. Milli musiqilər səsləndirilib, sakinlər birlik və həmrəylik şəraitində Novruz ənənələrini yaşadıblar. Uzun illərdən sonra doğma Qarabağ torpağında Novruz tonqallarının alovlanması sakinlərdə qürur və sevinc hisslərini daha da artırıb.