Keniyanın paytaxtı Nayrobidə tikilməkdə olan 12 mərtəbəli binanın çökməsi nəticəsində dağıntılar altında insanların qala bilmiş olması bildirilir.

Hadisə Nayrobinin ticarət və yaşayış məhəlləsi olan İstli rayonunda yerli vaxtla saat 13:00 radələrində baş verib.

Nayrobi qubernatorluğundan verilən açıqlamada binanın çökməsi nəticəsində dağıntılar altında insanların qala biləcəyi qeyd olunub.

Hadisə yerinə təcili yardım və xilasetmə qrupları cəlb edilib. Hazırda dağıntılar altında qalanların olub-olmadığını müəyyənləşdirmək üçün axtarış-xilasetmə işləri aparılır. Polis ərazidə geniş təhlükəsizlik tədbirləri görüb.

Binanın çökməsinə səbəb olan amillər hələlik məlum deyil. Hadisə ilə bağlı araşdırma aparılır.