"Patriot" raketlərinin tədarükünün dayandırılması Ukraynada geniş miqyaslı dağıntılara səbəb olacaq.

Bu barədə "The Economist" nəşri məlumat yayıb.

Məlumatda bildirilir ki, "Patriot" sistemlərinə raket tədarükünün dayandırılması Ukraynanın böyük bir hissəsində, cəbhə xətti boyunca baş verənlərə bənzər dağıntılara gətirib çıxaracaq.

Məqalədə qeyd olunur ki, nəzəri cəhətdən Fransa-İtaliya SAMP/T hava hücumundan müdafiə sistemi kütləvi istehsal olunarsa, əvəzedici ola bilərdi, lakin sistem praktikada ən sürətli raketləri ələ keçirməyə qadir deyil.