İstanbul Şile Bələdiyyəsində "cinayət törətmək üçün təşkilat yaratmaq", "hədə-qorxu ilə tələb etmək", "rüşvətxorluq" və "tender saxtakarlığı" kimi cinayətlərə görə aparılan istintaq çərçivəsində 22 nəfər saxlanılıb.

Bu barədə "Hürriyet" məlumat yayıb.

Baş Prokurorluq tərəfindən həbs qərarı verilən 22 şübhəli eyni vaxtda keçirilən əməliyyatda saxlanılıb.

Bələdiyyə sədri Kabadayı, Oğuz Kaçmaz, Tuncay Tolga Özçakmak, Ali Şafak və Evren Buçhan prokurorluq tərəfindən həbs tələbi ilə növbətçi məhkəməyə göndərildikdən sonra həbs ediliblər. Məhkəmə Aslı Kotanın məhkəmə nəzarəti altında azadlığa buraxılması və onun müntəzəm olaraq imza atması tələbi ilə qərar verib.