Xəzərdə təlimlər zamanı həlak olan Qazaxıstan hərbi qulluqçularının sayı 12 nəfərə çatıb.

Bu barədə Qazaxıstanın Manqistau vilayətinin rəhbərliyi məlumat yayıb.

"Dəqiqləşdirilmiş məlumatlara görə, təlim-döyüş tapşırığının yerinə yetirilməsi zamanı meteoroloji şəraitin kəskin pisləşməsi və küləyin güclənməsi ilə əlaqədar 17 nəfəri su axını aparıb, onlardan 12-si həlak olub, üçünü xilas etmək mümkün olub. Qalan iki hərbi qulluqçunun axtarışları davam edir", - deyə məlumatda bildirilir.